U merzita.Boll më joshi ky dimër me oxhakun
M’i rralloi vizitat në zallishte, tek miku im lumë
Më mbylli derën mos shoh as mjegullën e pacipë
Që mbyti luginën,mes ngrohtesisë të kotem gjumë
Të mos shoh as erën që u shkul veshët pemëve
As pjergullës qe e ka zhveshur në oborr, lakuriq
Dritarën ma trembi me cingërimat e dritë rrufesh
I hutuar të dëgjoj tiktaket e orës së gjumit letargjik
U merzita. Boll më joshi ky dimër me oxhakun
Bajamja me dorën e gjelbert në xham më trokiti
Si oriz më hodhi në kokë një tufë lulesh të bardha
Ca pika aromë magjie në sy,të më zgjoj nga miti
Pa më erdhen edhe mysafirë, dallendyshet e mi
Çarçafët e bardhë shkundin tani në flladet e erës
E doje?- Ta sollëm pranverën....dhe një trendafil
Për miken tende të mirë, për motrën e pranverës
Comments