10 janar: Homazh për Jaroslav Seifert
Ndonjëherë ne jemi të lidhur nga kujtimet
Ndonjëherë ne jemi të lidhur nga kujtimet
dhe nuk ka gërshërë që mund të presin
nëpër ato fije të vështira.
Ose litarë!
E shihni urën aty pranë Shtëpisë së Artistëve?
Disa hapa para asaj ure
Xhandarët qëlluan për vdekje një punëtor
që po ecte para meje.
Unë isha vetëm njëzetë në atë kohë,
por sa herë që kaloj vendin
kujtesa me kthehet.
Më merr për dore dhe së bashku ecim
te porta e vogël e varrezave hebraike,
nëpër të cilën kisha vrapuar
nga pushkët e tyre.
Vitet kaluan me hapa të pasigurt, lëkundës
dhe unë me ta.
Vitet mbetën duke fluturuar
derisa koha ndaloi pa u pa.
Shënim: Jaroslav Seifert (23 shtator 1901 – 10 janar 1986) ishte një shkrimtar, poet dhe gazetar çek. Ai u bë çeku i parë që fitoi Çmimin Nobel për Letërsi në 1984.
(Përgatiti: F. Terziu)
Comments