Nderim dhe respekt të veçantë për Ju,
të Nderuar Vilhelme dhe Visar!
Homazhet tuaja për Njeriun me Zemër të Madhe Nebil Çika janë fort emocionuese. Personaliteti i atij gazetari dhe publicisti të talentuar ishte emblematik. Nebil Çika i përkiste sërës së Njerëzve të Mirë.
Eh, Njerëzit e Mirë! Ata kanë një vështrim të ngrohtë, sepse me zemrën e tyre mbartin diellin me vete. Për ta janë të huaja urrejtja dhe ligësia. Njerëz të tillë nuk të braktisin kurrë në fatkeqësi. Ata janë si pranvera, shpërndajnë gjithandej ngrohtësi dhe shpresë. I tillë ishte Nebili për të përndjekurit politikë, për shtresën më fisnike të kombit tonë, të cilën askushi, njeriu pa kulturë universitare në krye të vendit, e vuri në tehun e luftës së egër të klasave, që solli si pasojë përçarjen e rëndë kombëtare. Ngushëllime për familjen!
I përjetshëm qoftë kujtimi i Nebil Çikës!
Eshref Ymeri
Kaliforni, 13 prill 2023
टिप्पणियां