Mjeku stomatolog, Ervis Eminaj, një emër i ri që flet me profesionalizëm
Prof Dr Fatmir Terziu
Mjafton të dëgjosh ndonjë nga pacientët e tij, vendas dhe të huaj, të kuptosh qartë, se Mjeku Stomatolog, Ervis Eminaj, është një nga figurat e kësaj fushe në Durrës. Dhe këtë e ndjen me një krenari të dyfishtë, ndërsa kujton se fjala e urtë popullore e trashëgimisë në këtë rast, nuk shkon në vesh të shurdhër. Me një nënë, Rabijen, që gjithë jetën iu përkushtua fushës së mjekësisë, në shërbim të njerëzve në Elbasan dhe një baba, Bilalin, që duart i ka flori në të gjitha gjërat që ai kap me dorë, më shumë se sa kjo shkon fjala tek profesionalizmi dhe përkushtimi që ky mjek stomatolog ka ngritur si pasion dhe profesionalizëm në preambulën kryesore të kësaj fushe. Ndaj nuk thuhet më kot se nuk ka shpërblim më të madh se sa kënaqësia e të ndihmuarit të njerëzve për të jetuar një jetë më të mirë. Dhe ashtu sikurse është shprehur vetë ai në rrjetet sociale, falë profesionalizmit të tij dhe jashtë modestisë „Rolet e dentistëve vijnë me shumë përgjegjësi dhe mund të jenë shumë kërkuese. Megjithatë, nëse ju pëlqen të zhvilloni vazhdimisht aftësitë tuaja, të përmirësoni njohuritë tuaja shkencore dhe të punoni si pjesë e një ekipi, atëherë stomatologjia mund të jetë për ju.“
Dr Ervis Eminaj ka ngritur klinikën e tij dhe kjo klinikë operon me mjetet më të avancuara të kohës. „Eminaj Dental Clinic“ është dhe një portë e hapur për atë që ajo afron dhe për atë që bota e sotme e përparuar e ka ndërtuar në këndkapje të ndryshme, që do të thotë me një rrugë dhe dy punë, pra dhe për turizmin dentar, një risi e renë Shqipëri, po aq shumë në Durrësin me detinAdriatik dhe pasuritë e tjera fenomenale të këtij shërbimi të nevojshëm për shëndetin e njeriut.
Dhe ajo që shihet në qasjet informative online të kësaj klinike të tregn se “Eminaj Dental Clinic”, e njohur me këtë emër për të huajt, ofron shërbime dentare për ju dhe familjen tuaj me një staf të kualifikuar mjekësh dhe pajisje moderne të markave më të njohura europiane, me një ambient komod dhe mikpritës që karakterizohet nga higjiena maksimale.“
Me mjaft këshilla të dhëna nga stafi profesional i kësaj klinike, synohet përsosmëria dhe në fjalën e tyre mësojmë se ata synojnë dhe përpiqen të ofrojnë trajtime cilësore për pacientët e tyre, duke u siguruar që ata të ndihen të sigurt me stafin e trajnuar dhe të vëmendshëm. Pra, të gjithë janë të përkushtuar ndaj niveleve më të larta të stomatologjisë dhe shëndetit dhe kirurgjisë orale. "Klinika Dentare Eminaj", e njohur me këtë emër për vendasit, ofron çmimet më të mira për shërbimet më të mira. E gjitha kjo falë anës pozitive të njohjes së tregut, të disa gjuhëve të huaja, të profesionalizmit, të ndjekjes së përditshme të vlerave më të mira të kësaj fushe dhe të një respekti pafund për klientin.
Kjo klinikë e drejtuar nga Dr Ervis Eminaj, ofron shërbime dentare ku Ortodoncia është një degë e stomatologjisë që trajton malokluzionin, një gjendje në të cilën dhëmbët nuk janë të pozicionuar siç duhet kur goja mbyllet. Kjo rezulton në një pickim jo të duhur.
Një ortodont i kësaj klinike mund të kryejë punë që synon të arrijë shërbime profesionale të tilla, sikurse janë Mbyllja e boshllëqeve të gjera midis dhëmbëve; Rreshtimi i majave të dhëmbëve; Drejtimi i dhëmbëve të shtrembër; Përmirësimi i aftësisë së të folurit ose përtypjes; Rritja e shëndetit afatgjatë të mishrave të dhëmbëve dhe dhëmbëve; Parandalimi i konsumimit të tepërt ose traumës afatgjatë të dhëmbëve; Trajtimi i një pickimi të pahijshëm. Sipas specialistëve të kësaj klinike dhe vetë Dr Ervis Eminaj „Trajtimi mund të përmirësojë pamjen e dhëmbëve, por gjithashtu mund të çojë në funksion më të mirë të përtypjes dhe të të folurit dhe të ndihmojë në mbrojtjen e dhëmbëve nga dëmtimi ose prishja, në disa raste. Për të arritur këto qëllime, ortodonti specialist i kësaj klinike, përdor një sërë pajisjesh dentare mjekësore, duke përfshirë veshjet e majës së dhëmbit, pllakat dhe mbajtëset.
Stafi i kësaj klinike, i kryesuar nga Dr Ervis Eminaj, Dr Uljana Eminaj (Xhaferri) dhe nga asistentet Flavia Skenoli dhe Adelina Lika janë tashmë një emër real i kësaj fushe dhe jo thjesht prezent, sepse konkurrenca e tyre bazohet vetëm në shërbimin profesional, paraqitjen estetike të punës dhe profesionit, shërbimin e kulturuar dhe mjaft gjëra të tjera që do t'i gjeni më së shumti atje në zyrat e tyre dhe në paraqitjen online tek faqja e tyre mjaft e detajuar.
Ndërsa thuhet se kjo klinikë është „Një klinikë dentare kushtuar niveleve më të larta të stomatologjisë dhe shëndetit dhe kirurgjisë orale“, ajo që duhet shtuar është e padëgjuara, ajo që mbahet tek një fjalë e vetme: Profesionalizëm! Mos harroni se Eminaj Dental Clinic ofron çmimet më të mira për shërbimet më të mira dhe ndodhet tek Bulevardi Dyrrah, Durrës 2001.
Duke shtuar atë që mbetet jo si e fundit, por në gjuhën e shkrimit përmbledhësja kryesore, vete gjuha ku të dhëmb dhëmbi, pra tek shërbimi që afrohet dhe cilësia, tek kostoja dhe mjaft të lidhura me këtë faktor, që natyrshëm janë pjesë e një përkujdesësi profesional, të mirëkualifikuar me të gjitha arritjet bashkëkohore, me kualifikime vendase e të huaja e me një fjalë me një Mjek Stomatolog si Ervis Eminaj, që më shumë se sa fjalët peshon punën dhe profesionalizmin. Në këtë pikë ka dhe mjaft gjëra që duhen shkruar, por duke ditur se ai vjen nga një fis me rrënjë të thella tek puna dhe jo tek fjalët dhe mburrja, natyrisht ajo që i intereson klientit, është vizita dhe shërbimi që duhet të marrin në këtë klinikë tashmë europiane nga modeli dhe profesionalizmi.
Dr Ervis Eminaj është dhe një familjar model tashmë, ku udha e gjyshërve, prndërve dhe origjinës janë gërshetuar tek përkuhstimi i tij familjar, që bashkë me zonjën e tij, Dr Uljana Eminaj (Xhaferri) kanë shumë e shumë për të bërë e për të deleguar me humanizëm, esttikë dhe profesionalizëm kudo dhe kurdoherë. Modele të tilla nuk duhen lënë jashtë vëmendjes!
Comments