Vajtja në dëshprime
Dje
I thirra bijës për 100 euro a më shumë
Dhe një xhaketë nga pazar pondlash
Ndonjë dite më parë,
I thirra bijës tjetër për 50 euro
Dhe një palë këpucë dimri me lesh
Se më ngrinë shuplak këmbe
Natyrisht, nga pazar pondlah
Se plakut s’i rrinë mirë të rejat
Sot në mesditë në kafeteri fukarenjësh
Më çorrasen shokët nga ndjesi dhimbe
Posi-dhe respekti
me një birro pils
Dhe një tarator me hudhër,
paksa i njelmtë për menynë time
Në brëmje nga bodrumi nxorra raki ryshfeti
Dhe ngrita ca gëllenjka me vezë pule për meze
Sa të bëjë një gjumë në ikje pishmanllëku
Dhe unë endacaku i rryer dalë rrugëve
Dhe futem dyqaneve e asgjë nuk blej
Veç dekortabakave kineze të kostos 1 euro
dhe bëjë me dije vetulloshen e bukur
se do e këthej pas 3 ditësh
sa të bëj rrugë se tjetër s’kam nga t’ia mbaj
E, posi, kam një jetë si n’ përralla
pak shkëlqim e rehati për dhurratë
pak ushqim e i ngopur dej n’gogsimë
E në paradite deri në pasdite
në llaptop që më gjezdis më mirë
se dikur n’ Bajram Hasan pajtonxhiu
e se Ramë taksisti boshnjak.deri në Gjakovë
Kam një jetë ngjashëm me ate të Ramë Shipnisë
Vetëm në një këthinë t'harruar, me plaçka gjetë në plehërishte
e 9 maca t’braktisura brenda.
Jetë Diogjeni e dinjitet kulmi
Dhe ulur n’kolltuk të lashtë vetëm
Tek shoh filmin ,,Shtëpi Fantazmash” të Meril
Dhe tek bëjë bilancin e fitimhumbjeve në jetë
Më vie t’i çepoj shpullë ballit tim
Dhe e qortoj veten
Dhe qortoj gjithë ata që hak e kanë
Or ulok i gjorë,
Or i vetëkënaquri në një hapsirë të ngushtë
Or kasapi që cungove veten sa për një të mjerë!
Po ikën i vogël si kur që linde
Sose jetën pa hedhë sy mbi boten
Ndale ecjen pa gjezdisë universumit
Dhe nuk njohtove,
Dhe nuk mësove shpirtin e verdhucëve,
Shpirtin e islamve e të hixhabve
Shpirtin e besimit në Buden
Të tërë shpirtërave që bënë jetën e njerit
Të tërë shpirtërave që çelen porta lumturie
E mbureshe me llomotitje se ia dole bregut
E i jipje amin vetes se ngrite lartë bajrak fitoreje
Se hyre me mburje në histori të vendit
Se i dhe vendit me shumë se ç’kërkoj
Ik me vrap atje nga shpie fundjeta
Dhe vë nën sy grimcinë e vetes sate
Dhe kuptoje se të tillë e kishe vrapin
Dhe flak ilusionin se mund t’ishe tjetri
Ik! 2.2.25
תגובות