Meliana Mimani: Udhëto njish me emrin tem

Udhëto njish me emrin tem

Në zemër të tokës e qiellit,

kërcen e brof pingul,

si rreze drite ,

në synin tim ,

dashni.

Unë si nje lojtar i dyfishtë,

të gjuaj e  të pres 

me kundërshtar,

veç vedin.

Duhet të të prisja,

më parë se të hidhja,

se vetëm kështu,

kisha me të  pastë.

E kjo lojë fort e guximshme ,

një diell timin,

lindi.

Ashtë dielli që më ngrohi ditën ,

kur nuk munda të të mbaj mà,

E tash, ti je e lirë ,

Shko në universin tand,

e udhëto njish me emrin tem.