Lule nga Strigari
(Perikli Jorgonit, poetit, kritikut, eseistit, përkthyesit, mjeshtrit të penës)
Nga Fatmir Terziu
Më e bukura në Strigari. Lulet
gërsheta baladash i nder
në anë të Rrugës me emrin e Madh: Zef Serembe.
Nuk e beson se rruga përlotet nën zezërimë?
Lëshon një piskamë art-bota
dhe ikja tutje,
lart në qiellin e kaltër vetëtimë
fraq me kohën e acartë pushon nën rrota.
Më e urta fluturimë e poetit. Valëjeta
i merr në shporta i përkthen
lule në udhën e gjatë të vjershërimit
rrokjet e shukatura nën peshën e lotit
thurrje baladash, poemash, përkthimesh
për poetin, veprën e Perikli Jorgonit...
Balada e rrembave të gjakut. Ëndërr
metuar në ecjen e lirë të njeriut
ngec diku pranë mbikalimit të Fllakës
në dihatjen e fundit mbi libra
përflaket shpirti në atë cep
dhe ndez Detin
për ti dhënë dritën e fundit edhe... Natës...
• Një nga esetë dhe studimet, baladat dhe vjershërimet më të arrira të autorit për Zef Seremben.
• Libër me poezi i autorit.
Poezi e një ndjeshmërie të lartë në nderim të poetit, studiuesit e shqipëruesit P.Jorgoni! Respekte për ju z.Terziu që nuk reshtni së evokuari të tilla figura kontribuese. Poezia më bëri të rikujtoj sa e sa kujtime me Perikliun, se ka qenë nga miqtë e mi të hershëm më të çmuar. Midis shumë të mirave prej tij veçoi atë të dhënies për të lexuar të mjaft librave "reaksionarë " e të ndaluar të kolosve të letërsisë botërore.
Ardhja në faqet e revistës të këtyre emrave të mëdhenj e nderojnë dhe ia rritin asaj prestigjin. Shëndet e gjithë të mirat i shumërespekturi Fatmir Terziu!
Kozma Gjergji.