Albert Ahmati, është një këngëtarë dhe instrumentist virtuoz.
Nga Mentor Serjani
Aty ku fjalët dështojnë,flet muzika“
Hans Christian Andersen
Gjithmonë shkaku sjell pasojën,dhe shkak për të shkruar radhët e mëposhtme,u bë postimi nga ana e Bertit në facebook të videoklipit të tij më të ri "Luna Rossa".Po kush është Berti,cila është muzika e tij,kush është instrumenti i tij i preferuar, këngët e tij.Atëher,le ti zhvillojmë më poshtë në këndvështrimin tonë të thjesht dhe dashamirës,ashtu siç ne e perceptojmë dhe ndjejmë,sepse e verteta gjithmonë eshtë e veshtirë të thuhet nga njerëzit,ndërsa lajkat janë më të lehta,e pra le të themi të vërtetën.Me Bertin njihemi qysh në fëmijërinë e hershme,kur vinte në fshat në vendlindjen e babait të tij(Sasaj-Sarandë).Ne bashkmoshatarët e tij e prisnim me padurim,vinte nga kryeqyteti,sillte diçka të re,emocionet nga djemtë e bordurave të Tiranës,të rrugës së Dibrës, Kavajës, të Kombinatit etj.Sillte një këngë të re,një citat të ri për dashurinë , të cilat ne i shkruanim në blloqet e famshëm 30 - leksh,një pasuri e çmuar e jona dhe e kohës, "interneti" i ditëve tona.E shoqëronim në netët verore,në rrugët me kalldrëm apo plot gure,duke kënduar nga klubi në fund të fshatit e deri tek Mëni në qendër,serenatat bregdetare, duke imituar kështu serenatat e bukura korçare.Prishnim edhe qetësin e njerëzve duke u bërë edhe objekt i ndëshkimit nga ana e prindërve,apo organizatave të masave, që i quanin këto shfaqie të huaja dhe përqafim të artit dekadent borgjezo-revizionist.Karrierën e Bertit e penguan në atë kohë faktor nga më të ndryshmit që ishin prezent në një shoqëri të mbyllur post komuniste si e jona.Por gjithë ky art i ndrydhur,i tkurrur brenda shpirtit të tij do të shpërthente në demokraci dhe do të arrinte majat në moshën e pjekurisë se tij artistike me 25 këngët në dy- cd-të dhe videoklipin e tij më të ri"Luna Rosa''.Dhe kjo nuk mund të ndodhte,veç se në kryeqytetin e kulturës së Greqisë në Selanikun e bukur,falë ndihmës bujare të miqve të tij shqiptarë dhe grekë që kanë bërë të mundur sponsorizimin e këtyre evenimenteve të rëndësishme në jetën e këtij artisti.Jam krenar që një bashkëvendasi im në lëmin e muzikës arrin në nivele të tilla të lakmuara nga çdo artist,mendova se na mungonte si fshat,por ja që kemi një Albert,"Nje sa për njëmijë"sic thotë populli.Muzika,në tërsi,por edhe ajo e Albertit në veçanti është një shumicë tingujsh e radhitur me mjeshtëri nga e cila përftohet një melodi e caktuar.Stili i muzikës të Bertit është i veçantë për sa i përket bukurisë dhe vlerave estetike.Muzika e tij moderne shfaqet me një individualitet dhe origjinalitet të rrallë,ajo vjen e bukur,tërë shkëlqim dhe harlisje,si një formë e ndërgjegjes artistike muzikore që fillon nga muzika e lehtë deri tek modernia.Por çfare është muzika në vetvete,ajo lindi bashkë me njeriun më herët u këndua dhe me vonë u shkrua,duke luajtur një rol të rëndësishëm historik në ruajtjen dhe transmetimin e indetitetit kulturor dhe ngjarjeve të ndryshme të popujve.Nëpërmjet elementëve të muzikës të cilat janë melodia,harmonia,ritmi,artikulacioni,dinamika dhe kualiteti zanor,na vjen edhe Alberti i cili shpreh ndjenjat dhe mendimet e tij mes tekstit dhe tingujve.Përsa thash më lartë është me vend thënia e Konfucit :Prej muzikës lind ajo lloj kënaqësie,pa të cilën qenia njerëzore nuk mund të ekzistojë".Kitara instrumenti me të cilën Berti u dashurua qysh femijë,është një instrument shumë i vjetër muzikor ku mbi origjinën e saj ka shume mendime në rrethet akademike të artit botëror.Kitara bën pjesë në familjen muzikore kordfone dhe është instrumenti kryesor i flamengos,jazz,bluz,rock,pop etj.Kitara për Bertin ishte bërë"Një me të''pjesë e pandashme e trupit të tij e cila e tejkalonte në gjatësi e gjërësi,ishte me të vërtetë një atavizmë krenare në trupin e tij.Në ato vite ,si Berti dhe ne ishim të imët ,por Berti kishte një cilësi të veçantë nga ne,ishte gjigant i emocionit njerëzor.Berti ashtu si emrat e medhenj Chusk Berry dhe Jose Feliciano i dhan jetë nga jeta e tyre instrumentit të kitarës.Këngët e Bertit janë të shumta, më tepër i kushtohen dashurisë, nostalgjisë etj,ato shprehin edhe gjëndjen shpirtërore të autorit si përjetime dhimbje etj.Rritmi i këngëve të tij është adn-ja biologjike për të,notat janë valë me një gjatësi të caktuar,me një amplitudë dhe simetri të përpiktë siv shprehet Claude Debussy: se ..."Muzika është aritmetika e tingujve".Kenget e tij janë si një urë arti që bashkon nota,tinguj,vargje,të shprehura këto në tërësinë e vetë,me pak fjalë,një sintezë e emocionit.Në përfundim i uroj autorit suksese në karrierën e gjatë dhe të bukur të artit.Dëgjimi i këtj videoklipi për mua është një ushqim shpirtëror,ashtu siç është libri një ushqim mendor.
Comments