Hekuran Halili: Për librin me tregime “PERDJA E MBRËMJES” të shkrimtares Natasha Xhelili.

Gjëja e parë që më erdhi ndërmënd  mbas përfundimit të leximit të librit me tregime “PERDJA E MBRËMJES” të shkrimtares Natasha Xhelili  ishte;  Natasha është një shkrimtare e vërtetë, pastaj mendimi tjetër,   Natasha është një shkrimtare e veçantë, një shkrimtare  moderniste.           

        Pa pretenduar  të bëj analizë të mirfilltë letrare të librit , shkurtazi po paraqes disa argumenta për sa mësipër thash. 

Natasha është një shkrimtare e vërtetë  mbasi pjekuria e të shkrojturit të tregimeve, siguria, guximi, fjala e zgjedhur, figuracioni teje i pasur, kompozicioni i tregimit,  ndërtimi i fjalisë , i narracionit, është në nivelin  më të lartë. Kur e  lexon Natashën  të duket se ke të bësh me një shkrimtare të pjekur që e njeh mirë zanatin e të bërit  letërsi , sikur ka një jetë që po merret me të dhe ka botuar me dhjetra libra. Theksojmë se ky është libri i parë me tregime, botuar në vitin 2014. Artikulimi i bukur përmes një gjuhe shpesh metaforike , të përpunuar e kuruar deri në detaj nga autorja, e bëjnë librin tërheqës dhe ja  shtojnë vlerat.

Natasha Xhelili është një shkrimtare e veçant nga stili i të shkruarit i cili nuk është ai klasik me të cilin  janë paraqitur tek lexuesi me përjashtime të vogla të gjithë shkrimtarët e Sarandës, jugut e më gjer.  Ajo e ndërton strukturën e të treguarit në mënyrën e vet  që e bën unike, jashtë klasikes, hyrje, shtjellim,  mbyllje, jo, këto faza të treguarit janë shkrirë në një të tria së bashku.  Ajo është shkrimtare e stilit modern, për mua më konkretisht stili i saj i të shkruajturit i përket EKSPRESIONIZMIT.   

Kjo, për faktin se Natasha në narracionin e vet nga ana përmbajtësore i jep përparësi përjetimeve të brëndëshme të individit, shpesh në një formë të lirë, të ndjeshme dhe jo gjithmonë të ndërtuara  logjikisht, në ndryshim nga realizmi apo natyralizmi që fokusohen më shumë tek realiteti i jashtëm.                                              

Në të tridhjet e shtat  tregimet  që ka libri, prej të parit,  “KËNGA” , deri tek i fundit “TAKIMI” , asnjë prej tyre nuk del jashtë këtij stili.

Në librin e shkrimtares Natasha Xhelili “PERDJA E MBRËMJES” ka shumë tregime që ndjen nevojën t’u kthehesh e t’i rilexosh sepse  mendimi i thellë dhe i sofistikuar, fjala e  duhur, e gjetur, e bukur, e ngrohtë, nuk ka afat skadence. Këto tregime depërtojnë në mëndje e shpirt dhe është vështirë të ndahesh me to pa u rikthyer për t’i rilexuar. Të tilla tregime do të përmëndja: “CAKU” , “NJOLLA E MURRME” ,  “LOJË PERËNDISH” ,  “AJO “ , “NËNA” , “BROSHURAT E VDEKJES” ; “KËPUCËT”,  “PREMTIMI “, “MBI  URË” ,  “KUFIRI “ , etj.

Shpreha shkurtazi disa mendime të mia për tregimet e Natashës, mbasi shumë krijues e diskutues të tjerë do thonë mendimet e tyre. Të më besoni, nuk fola me superlativa për krijimtarinë e saj në prozë, mbasi Natasha është edhe poete. Ka studiuar për gjuhë-letersi  në Universitetin “Eqerem Çabej” të  Gjirokastrës dhe prej vitesh është mësuese dhe drejtuese e shkollës “Kosta Çavo “ në Delvinë. Për punë të shquar është nderuar me titullin  “MËSUESE E SUKSESËSHME”. 

Ka bashkëpunuar dhe bashkëpunon me shumë organe të shtypit, me revista për fëmijë  si p.sh “YLBERI PLUS”  në Maqedoninë e Veriut. Natasha është pjesmarrëse në shumë antologji poetike të botuara brënda e jashtë vendit, në anglisht, italisht,frëngjisht,maqedonisht.  Në  tetor 2020 është shpallur poetja e muajit me ciklin poetik  “ODA POETES “.

Ka vlerësime edhe në fushën e kritikës letrare, gjë të cilën ju e kini parë në të gjitha promovimet e librave që ne bëjmë.  Natasha është fituese çmimit të parë  për tregimin e shkurtër  në Tetovë  dhe në Gjilan . Ka fituar çmimin e tretë në festivalin mbarë kombëtar për poeteshta shqiptare - Shkodër.

Libra të shkruara dhe të botuara nga Autorja Natasha Xhelili janë:

1.             MALI SHEH NJË ËNDËRR   Poezi   2013

2.             PERDJA E MBRËMJES          Tregime   2014

3.             LOTËT E ZJARRIT                Poezi      2016

4.             NINULLAT E HËNËS           Tregime  për fëmijë   2019

5.             GJURMËT E FJALËS             Reçesione letrare   2020

 I uroj Natashës shëndet  suksese, personalisht dhe familjarisht, i uroj krijimtari të begatë e cilësore.   

FALEMINDERIT   ! 

Shënim: Ky shkrim është  përgatitur enkas për promovimin e librit të shkrimtares Natasha Xhelili,  i cili u bë sot më datën 26 prill në Sarandë, të cilin e drejtova unë.