Cikël me poezi
1. TË RËNËVE
Në zemrat tona njëmijë herë jeni rritur,
Ju o pishtarë të lirisë
S’do harroheni në njëmijë breza,
Vepra juaj në piedestal është ngritur,
Gjaku juaj i pastër na vlon në zemra….
2. RIZGJIME METEORËSH
Rizgjohen si meteorë
Qindra personazhe
Kapur dorë për dorë
Në memorien time…
Pa ata, emërhumbur do të isha
Dhe librat e mi s’do kishin vlerë;
Pa heronjtë që njeh historia…
Që sot rizgjohen si meteorë…
3. MYZEQEJA E DIBRËS
Muhurri, vendlindja ime
Thonë, është “Myzeqeja” e Dibrës
Jo vetëm për fushën e saj pjellore
Por dhe për të urtët, njerëz të dijes…
Me Drinin që mes përmes i kalon
Dhe mermerin ku gurgullon Murra
Histori trimash që emrin ja lartësojnë
Bashkëkohës të filozofit Dine Hoxha.
4. VENDLINDJA IME…
Mal në “Nandë Malet” e Dibrës,
Jo vetëm për lartësi,
Muhurri, perlë e natyrës
Me shumë bëma në histori.
Skënderbeu këtu i ka trojet,
Në Gardh, Sinë e Mazreka,
Këtu lindën dhe gjeneralët,
Nikoll e Dhimitër Berisha.
Këtu i kam legjendat dhe këngët
Për besëlidhjen e trimave muhurrakë,
Kur hasmit ia rrëmbyen pushkët
Vatanit me i dalë hak..
Kur n’beteja Dan Leka u printe,
Me e shporrë shkjaun nga votra
Kur n’kuvende Nuz Lala i mblidhte,
Të keqes me i dalë përpara...
Këtu lindi Dine Hoxha,
Më i miri i të mirëve të Dibrës,
Që ligjëroi n’kuvende e oda,
Gjithnjë projeksion i së mirës.
Këtu ka trojet Gjon Kastrioti,
Këtu ka hedh rrënjë liria.
Muhurri im bukuri nga Zoti,
Mbi të ulur historia.
5. KULLA E LLAN DEVËS
Në lartësitë e maleve,
Fare pranë Runjës,
Ju flet brezave
Kulla e Llan Devës.
Histori qëndrese
Që s’harrohen kurrë
Trimat e kësaj dere
Lartësojnë këtë kullë.
Ajo ka në themele
Gjakun e Ramadanit
Simbol rezistence
Dëshmori i atdheut.
6. I URTI DHE I MENÇURI SULË DIKA
Një mushkë ngarkuar me flori,
Pas saj një misionar anglez
Sulë Dika, shoqëruesi i tij
Burri që e kishte marrë në besë.
S’mund të pranoj “mall haram”
Kur vendi im rënkon në robëri,
Kështu i tha mendjeholli dibran
Anglezit që desh ta blinte me flori.
Ka mjegull të madhe në anët tona
S’dihet ku të zë e të merr lufta
Këtu ka sy e vesh edhe toka
I tha anglezit Sulë Dika.
Në mexhelise i zinte fjala
Kur e pyesnin: Ç’thotë politika?!
“Burrin e prishin tre gjana:
Parja e madhe, karrikja e naltë
dhe gratë e bukura!
Përgjigjej i mençuri Sulë Dika…
7. TE KULLA E GJONIT
“Te kulla e Gjonit!”, një arkeolog,
Në vite, gërmoi shumë gjatë;
Hodhi plot gjurmë në katalog
Nga ky toponim i lashtë….
Një ditë si i marrë sa s’fluturoi,
Tha: Këtu është vendlindja e Gjergjit,
Atë që kërkonte më në fund zbuloi,
Përkrenaren, gjeti në rrënojat e Gardhit.
“Ta dini se gjyshi i Zotit Skënderbe,
Veç këto dy fshatra kish në zotërim”;
Nga këtu shtegtoi në shekuj kjo legjendë,
Nga vendlindja ime, Gardh e Sinjë…..
8. ZERI I NËNTOKËS
Bulqizë, vend i bekuar,
Me histori lavdiplote...
Thesari që fsheh nëntoka jote...
Identiteti i Shqipërisë në botë:
Më e bukura pasaportë....
Ti i dhe floririn ekonomisë shqiptare,
Floririn që ta grabitën në 50 vite...
Të nëntokës që hëngri qindra jetë njerëzore
Që dhe sot, mjerisht ndodhet në lëngatë...
Nga nëntoka jote, gjëmon zë i së vërtetës:
Hej, Ju, që pa mëshirë më zhvasni!
Mendoni që edhe këtu t'i jepni kupim jetës,
Për Bulqizën mos nguroni të investoni...
9. MARRËZIA
Një i marrë hedh gurin në lumë,
100 të mençur nuk e nxjerrin dot;
Në vendin e të marrëve marrëzia s’ka fund;
Shpëtona prej saj o i Madhi ZOT!!!
10. FLAKËRIMA E SHPIRTIT
Flakërima e shpirtit
Djeg sa qinda zjarre
Në pyllin e gjithësisë ...
Dhe shuan mijëra afshe ...
Dhe rritet prej mirësisë....
Comments