Halil RAMA: Rizgjime meteorësh

Cikël me poezi nga Halil RAMA

“Mjeshtër i Madh”

1.TE KULLA E GJONIT

“Te kulla e Gjonit!”, një arkeolog,

Në vite, gërmoi shumë gjatë;

Hodhi plot gjurmë në katalog

Nga ky toponim i lashtë….

Një ditë si i marrë sa s’fluturoi:

Tha, këtu është vendlindja e Gjergjit,

Atë që kërkonte më në fund zbuloi,

Përkrenaren, gjeti në rrënojat e Gardhit.

“Ta dini se gjyshi i Zotit Skënderbe,

Veç këto dy fshatra kish në zotërim”;

Nga këtu shtegtoi në shekuj kjo legjendë,

Nga vendlindja ime, Gardh e Sinjë…..

2. ZERI I NËNTOKËS

            Bulqizë, vend i bekuar,

Me histori lavdiplote...

Thesari që fsheh nëntoka jote...

Identiteti i Shqipërisë në botë:

Më e bukura pasaportë....

            Ti i dhe floririn ekonomisë shqiptare,

Floririn që ta grabitën në 50 vite...

Të nëntokës që hëngri qindra jetë njerëzore

Që dhe sot, mjerisht ndodhet në lëngatë...

Nga nëntoka jote, gjëmon zë i së vërtetës:

Hej, Ju, që pa mëshirë më zhvasni!

Mendoni që edhe këtu t'i jepni kupim jetës,

Për Bulqizën mos nguroni të investoni...

3. Rizgjime meteorësh

Rizgjohen si meteorë

Qindra personazhe

Kapur dorë për dorë

Në memorien time…

Pa ata, emërhumbur do të isha

Dhe librat e mi s’do kishin vlerë;

Pa heronjtë që njeh historia…

Dhe që sot rizgjohen si meteorë…

4. Myqeqeja e Dibrës

Muhurri, vendlindja ime

Thonë, është “Myzeqeja” e Dibrës

Jo vetëm për fushën e saj pjellore

Por dhe për të urtët, njerëz të dijes…

Me Drinin që mes përmes i kalon

Dhe mermerin ku gurgullon Murra

Histori trimash që emrin ja lartësojnë

Bashkëkohës të filozofit Dine Hoxha.

5. MARRËZIA

Një i marrë hedh gurin në lumë,

100 të mençur nuk e nxjerrin dot;

Në vendin e të marrëve marrëzia s’ka fund;

Shpëtona prej saj o i Madhi ZOT!!!

6.FLAKËRIMA E SHPIRTIT

Flakërima e shpirtit djeg sa qinda zjarre

Në pyllin e gjithësisë ...

dhe shuan mijëra afshe ...

dhe rritet prej mirësisë....

7. HIT’ I KËSAJ STINE

“O kce moj çike”, hit i kësaj stine,

Motiv që shpirtin ma zjarrmon

Si zjarri që djeg këtë maratonë kënge

Dhe buzët e mjelmës përvëlon…

“O kce moj çike, ti moj çikë malsie”,

Jehonë e këngës zemrat përtërin

“O se ti luan moj çikë, o për bukurie”.

Ky motiv i moçëm, “pushton” Shqipërinë....

8. DITËLINDJA E 30 - të

Ditëlindjen time të 30-të

E kam të shenjtë

Sepse s’munda ta festoj;

Babai i mikut tim të ngushtë

Atë ditë ndërroi jetë,

Ndërsa te unë çdo gjë ndryshoi...

Nga ditëlindja ime e 30-të

U deshën dhe 41 ditë

Të agonte liria e 8 Dhjetorit ‘90-të...

9. KAFEJA E PASDITES

Kafeja e pasdites “Te Portokallet”,

Shijohet këndshëm, në natyrë të qetë;

Sytë vështrojnë thellë, dora në ataç s’ndalet,

Ndërsa lodrojmë në internet…..

10. FRUTI MË I ËMBËL I KËSAJ VJESHTE

Frutin më të ëmbël të kësaj vjeshte,

Po shijoj në ballkonin e shtëpisë time,

Është fruti i dashurisë së përhershme

Që na ëmbëlsoi çdo natë, në këto 41 vite...

11. LEGJENDË NË KUFIRIN E DY KOHËVE

Një shekull jetë të gjeneral Parllakut,

Plot sakrifica, mençurore, humaniste;

Nga lufta dhe përkushtimi,

një model për t’u ndjekur...

Karakter i lakmuar për historianët,

Për historinë që lë pas vetes...

Për shkrimtarët, tharm rrëfimesh

Në tregime, poezi, novela e romane...

Objekt studimi për dietologët

Për sekretin e tavolinës së tij në vite...

Dhe për sociologët që gjejnë tek ai

sekretin e mbijetesës në liri e burgje….

Të legjendës në kufirin e dy kohëve..

Jeta - enciklopedi e tij

Kalanë e lartë të krenarisë ngre...

Si muzetë me dritë shkëlqimtare…

Fat për kombin, kjo enciklopedi e gjallë

Mbi thinjat e tij, ulur këmbëkryq historia…