Guliam Apolinaire:
U akuzua dhe u arrestua
për vjedhjen e Monalizës.
Mëshirë nuk kam më
Mëshirë nuk kam më për veten.
Dhimbjen time të heshtur nuk mund ta shpreh.
Fjalët që llogaritja të them, u shndërruan në yje.
Një Ikarus* përpiqet të ngjitet gjer në sytë e mi
Bartës yjesh, digjem mes dy konstelacionesh.
Çfarë bëra te gjallesat theike të diturisë?
Nga kohë të tjera vijnë të vdekurit të më adhurojnë
Fundi im arrin si stuhi.
*Ikarus-(Mitologjia Greke) I biri i Dedalusit dhe i Navkratisë.
Gjatë fluturimit, ju afrua Diellit dhe ju shkrinë flatrat prej qiriri.
Detin ku ra, gjeografi i lashtë Straboni e quajti ‘’Deti Ikarus’’
Kënga erotike
Ja nga se është e përbërë kjo këngë simfonike:
Është kënga e dashurisë, e vjetra.
Zhurma e puthjeve të shqetësuara të dashnorëve të famshëm.
Britmat e dashurisë,
të grave të vdekshme të përdhunuara nga perënditë.
Burrëria e heronjve mitikë në ekzaltim.
Si armët kundër avionëve
britma e çmuar e Jasonit.*
Kënga vdekjeprurëse e mjellmës
dhe himni fitimtar që rrezet e para të diellit
këndojnë në të palëvizshmin Memnon.
Është britma Sabine* në çastin e rrëmbimit.
Është gjithashtu britma erotike e maçokut të egër
brenda në xhungël
Zhurma e limfës që vjen nga thellësitë dhe që ngjitet
brenda bimëve tropikale.
Gjëmimet e artilerisë që shkatërron dashurinë mbresëlënëse
të popujve.
Dallgët e atij deti ku lind jeta dhe bukuria.
Është atje kënga e gjithë dashurisë së botës.
.................................................................................
................................................................................
*Jason - (Mitologjia Greke) - Jason dhe Medea.
*Sabine - Popull i lashtë në Itali
të cilëve romakët tregohet se u rrëmbyen gratë.
Përktheu: Vasil Klironomi
Comments