Fatmir Terziu: SHKRUAJ PËR NJË HYJNI

SHKRUAJ PËR NJË HYJNI

Nga Fatmir Terziu

Shkruaj për Hyjni Cekën,

jo për një Hyjni që ha e pi,

por si një penë e ngjyer në qiellin blu,

një Hyjni të thjeshtë me libra nën sqetull

(e si mund ta mendoj një shkrimtar duarbosh).

E zbres iniciativën e mendjes mbi tastierë

e ndjej të hapet një kënd

dhe e ndjej se më sheh,

dhe e ndjej se nuk ma fsheh

ka etje,

i dridhet dora që shkruan,

i gumëzhin koka,

dua të mbaroj atë që kam lënë pambaruar,

më pëshpërit, dua të shkruaj,

jam akoma i freskët nga mendtë,

shoh të më sillen përqark re dhe yje si statuja,

e më japin më shumë ndjenjë.

Ata s'bëjnë lajme dhe rrëmuja,

dehen dhe i gjuaj në shenjë,

të dehesh me madhështi s'janë shfaqje të huaja,

-       u them,

e kështu i prita deri sa filloi të bjerr shi,

pastaj nisa të luaja:

ishte një hapësirë tjetër e shkelshme,

(më thanë mirë se të gjetëm!)

poetët, shkrimtarët, krijuesit kishin përpara nga një pije,

atje pastaj të gjithë u dehëm pranë e pranë,

fjetëm…

           … siç mund ta ndihje…,

… por zgjohemi dhe korrim nga librat tanë,

sa herë që atje poshtë u duhen dije.

@copiright #fatmirterziu