Fatmir Terziu: Pse duhet votuar, dhe pse duhet vota për intelelektualë e Njerëz të mirë

Sikurse dihet tashmë mjeku Adi Fandi me një eksperiencë 30 vjeçare si mjek emergjence në Itali, dhe tani në Angli është një nga kandidatët e "Shqipëria Bëhet", në zgjedhjet e 11 majit, në Qarkun Vlorë. "Pse kandidova?!" Për këtë ai ka folur në disa media dhe televizione, dhe është shprehur edhe publikisht. Por për këtë nuk do të shkruajmë, as dhe për ato që ka thënë mjeku kandidat. Ajo që ne duam të themi është ndryshe. Është diçka që vetë mjeku nuk mund ta thotë, as madje dhe ta theksoj.

Për të qenë i sinqertë, e kam të vështirë të lundroj në mjedisin aktual politik, dhe madje as ta them që ka bërë mirë apo keq Dr Adi që ka kandiduar. Por ajo që dua ta them publikisht, Adin që na e duan anglezët e komunitetet e tjera, po aq dhe shqiptarët e shumtë që janë vizituar tek Klinika Adi, në Batersea të Londrës, sikurse dhe unë vetë do ta doja të ishte këtu, se është një nga mjekët më popullorë, më të duhur, e më humanë që kemi parë ndonjëherë. Unë e kam takuar nga afër, kur më ka dhuruar librat e të Atit, Dr Lame Fandit dhe kam parë se trëndafili i Vlorës ka prurë një trëndafil geni në Londër.

Por le ta lemë këtë tashmë. Çfarë është e vërtetë, çfarë nuk është? Për kë do votoni? Pse? Unë për vete votoj tashmë Njeriun, Intelektualin, atë që e njoh mirë dhe për të cilin kam besim. Nëse jeni të shqetësuar për aftësitë e tij politike, me sa e kam dëgjuar të thotë në intervista, ai nuk i miraton disa gjëra që po ndodhin në Tiranë e gjetkë dhe ngrihet me thjeshtësi kur bëhet fjalë për zgjedhjet për të ardhmen e vendit. E kundërta vlen për disa që fryhen ende pa u zgjedhur dhe që në intervista gjithmonë paraqesin disa argumente joadekuate për Shqipërinë e shqiptarët, që nuk kanë lidhje me të ardhmen e domosdoshme. Në lidhje me aftësinë profesionale, mjafton të hapësh faqen e tij dhe të dëgjosh se çfarë thotë ai vetë për këtë aspekt.

Gjithashtu po përpiqem të zbuloj nëse ka ndonjë gjë të pathënë për këtë Njeri që gëzon respekt të gjerë, por deri më tani gjithçka që kam dëgjuar janë fjalë të merituara respekti. Nëse ndodh pra që të bëhet thirrje për një votë meritore nga radhët e Diasporës, nuk endoj se do të ketë pakicë, por një shumicë që natyrshëm ia jep votën me zemër mjekut më popullor që ka parë komunitetit në vitet e fundit.

Le ta themi troç. Më 11 maj 2025 do të ketë zgjedhje. Personat që kanë mbushur moshën 18 vjeç mund të votojnë dhe të zgjedhin partinë politike që i afrohet më shumë idesë së tyre se si të zhvillohet Shqipëria. Këto janë zgjedhjet më domethënse në këto vitet e fundit. Dhe zakonisht njerëzit zgjedhin një parlament një herë në katër vjet. Votimi është i nevojshëm sepse asnjë parti e vetme nuk merr mbështetjen e mjaftueshme nga qytetarët për të qeverisur vendin e vetme. Ai duhet të punojë me partitë e tjera për të formuar një qeveri. Dhe në fakt duhet të vojnë të gjithë, ashtu dhe ata që tashmë e kanë të drejtën edhe nga Diaspora, edhe nga Britanin e Madhe. Këtu janë 5 arsye të tjera pse votimi në zgjedhje është i rëndësishëm:

1. Votimi është një mënyrë për të thënë atë që është e rëndësishme për ju. Njerëzit kanë dëshira dhe nevoja të ndryshme. Për shembull, disa duan më shumë parqe dhe korsi biçikletash. Të tjerë duan rrugë më të mira për të drejtuar makinat e tyre. Të tjerë ende duan paga më të larta, etj. Me zgjedhjen tuaj, ju thoni atë që është më e rëndësishme për ju dhe familjen tuaj. Kështu e kuptojnë politikanët se çfarë duan njerëzit dhe përpiqen ta respektojnë atë.

2. Nëse ju nuk votoni, të tjerët do të vendosin për ju. Duke votuar, ju deklaroni: "Unë jam këtu dhe vota ime ka rëndësi". Nëse nuk voton, është si të thuash se nuk të intereson çfarë do të ndodhë dhe në cilën rrugë do të shkojë Shqipëria.

3. Kur shumë njerëz nuk votojnë, ata që nuk luajnë sipas rregullave bëhen më të fortë.

Kohët e fundit, nga mediat është raportuar për shumë operacione për blerje votash ose tregtim votash. Kjo është kur një ose më shumë parti u japin para njerëzve për të votuar për to. Ose përdorin kërcënime dhe mënyra të tjera të paligjshme. Kështu këto parti rrisin rezultatet e tyre në zgjedhje. Disa madje mund të fitojnë në mënyrë të padrejtë.

4. Kur votoni, ju zgjidhni se si do të qeveriset vendi, ose qyteti ku jetoni. Me votën, njerëzit zgjedhin se kush do të qeverisë vendin, si do të përdoren paratë e përbashkëta të të gjithëve dhe çfarë ligjesh do të miratohen, pra me çfarë rregullash do të jetojmë të gjithë.

5. Vendimet e zgjedhjeve ndikojnë në të ardhmen tuaj. Edhe nëse nuk mund të votoni ende, zgjedhjet janë të rëndësishme për të ardhmen tuaj. Sepse njerëzit për të cilët votojmë vendosin, për shembull, çfarë mësohet në shkollë. Ose nëse do të ndahen para për më shumë kënde lojërash për fëmijë apo për muze, teatro dhe galeri.

Kjo është arsyeja pse votimi është i rëndësishëm në përgjithësi, por pse është i rëndësishëm votimi për Dr Adi fandin, dhe mjaft njerëz si ai pak a shumë e kemi cituar më lart. Është një mënyrë që njerëzit të thonë fjalën e tyre dhe të ndihmojnë për ta bërë vendin një vend më të mirë për të jetuar për të gjithë. E unë e mbështes me gjithë forcën e votës sime Adin, doktorin e respektuar, familjarin e shkëlqyer, njeriun që vjen nga geni dhe nga rrënjët e thella të patriotizmit në Vlorën historike.