Është një zog
Është një zog që çukit mëngjesin e ngrirë
në dritaren time.
Dielli kalon në anën tjetër dhe
vjen ai, me një rreze diell në gojë,
për të shtyrë edhe pak
kllapinë e bujshme të muzgut.
Ikën, vjen, në mes të zhurmës
gjer të ndizet dielli në tjetër mbretëri.
I lë natën ca thërrime buke në parvaz.
Në parvazin ku ka ulur kokën një engjëll
me bukë në dorë
e pret t’i shfaqet nëna nga turni i natës
e për dore
të nisen të dyja, në këmbë,
për te laboratori i gjakut.
E marr me mend që fati im
kërkon të flejë me ndërgjegje të qetë
dhe herë pas herë godet xhamin me
shëmbëlltyrën e vet.
------
S'e paskëshim ditur bukurinë tonë , Botimet Naimi, 2024
Comments