Të ruash njerëzillëkun dhe integritetin në një botë shpeshherë të vështirë dhe sfiduese është një ‘luftë’ e përditëshme, shpesh e dështuar, sepse të jetosh mes njerëzve do të thotë të përballesh me realitete të ndryshme, padrejtësi, hipokrizi, lakmi, egoizëm, por të mbetesh njeri nënkupton të ruash virtytet si ndershmëria, dhembshuria dhe respekti.
Suksesi i madh nuk qëndron vetëm te arritjet materiale, por te ruajtja e vlerave njerëzore përkundër sfidave.
Shoqëria shpesh mund të ndikojë te karakteri i një individi. presioni social, përplasjet morale dhe ndikimi i grupit mund ta bëjnë një person të devijojë nga parimet e tij. Të mbetesh njeri do të thotë të mbash identitetin tënd moral dhe të mos lejojsh që rrethanat të të ndryshojnë në mënyrë negative.
Suksesi si Masë e Integritetit
Në një botë ku suksesi shpesh matet me pasuri apo pushtet, kjo thënie e kthen vëmendjen te suksesi më i madh, të mbetesh një njeri i mirë. Kjo kërkon vetëdije, përulësi dhe forcë karakteri për të mos u korruptuar nga tundimet e botës.
"Të jesh njeri" nuk është vetëm një fakt biologjik, por edhe një përpjekje e vazhdueshme për të ruajtur vlerat thelbësore të humanizmit. Çdo individ ndodhet përballë zgjedhjeve morale, dhe mbajtja e një zemre të pastër në një botë që shpesh mund të jetë e ftohtë dhe e padrejtë është një sukses i jashtëzakonshëm. Në një botë ku njerëzit shpesh ndryshojnë për të përshtatur rrethanat, suksesi i vërtetë qëndron te ruajtja e humanizmit dhe e vlerave, pavarësisht sfidave.
A mbetesh njeri në këtë botë të mbarsur antivlerash?
Të mbetesh njeri në një botë ku imoraliteti, pashpirtësia dhe servilizmi janë të pranishme është e vështirë, por jo e pamundur. Varet nga forca e karakterit, parimet dhe vullneti për të mos u dorëzuar para presioneve të jashtme. Shpesh, shoqëria ushtron presion që individët të përshtaten me rregullat e pashkruara të hipokrizisë dhe interesave personale. Ata që përpiqen të mbeten të ndershëm mund të ndihen të izoluar ose të humbin mundësi. Megjithatë, ata që e ruajnë integritetin e tyre shpesh fitojnë një qetësi shpirtërore dhe një ndjenjë vetërespekti që nuk mund të blihet me asgjë.
Njerëzit shpesh e shohin servilizmin si rrugë për të mbijetuar në një sistem të korruptuar. Disa zgjedhin rrugë më të lehta për të arritur sukses, duke lënë mënjanë parimet.
Kur e gjithë shoqëria e pranon një sjellje si normale, është e vështirë të qëndrosh ndryshe pa u ndjerë i përjashtuar.
A ia Vlen të Luftosh për të Mbetur Njeri?
Ruajtja e dinjitetit dhe ndershmërisë të bën të ndihesh mirë me veten.E vërteta dhe drejtësia kanë vlerë afatgjatë, edhe pse mund të mos japin përfitime të menjëhershme. Edhe nëse bota është e padrejtë, çdo njeri ka mundësinë të ndikojë sadopak në ambientin përreth duke mbetur shembull i mirë.
Jetë e vështirë por e paqtë kur njerëzit i sheh në sy dhe nuk të vjen ‘rëndë’ nga vetja.
Kjo është filozofia më e bukur e jetës. Ndonëse jeta është e vështirë, paqja e vërtetë vjen kur mund t'i shohësh njerëzit në sy pa turp dhe, mbi të gjitha, kur nuk të vjen rëndë nga vetja.
Kur jeton me ndërgjegje të pastër, pa maska dhe pa gënjeshtra, nuk ke frikë nga shikimi i askujt. Nuk ndien nevojën të fshehësh veten apo të justifikohesh.
Jeta shpesh të vë përballë sfidave ku mund të zgjidhësh rrugën e lehtë, por të gabuar, ose rrugën e drejtë, por më të vështirë. Të mbash integritetin tënd, edhe kur është e vështirë, të jep një ndjenjë paqeje dhe krenarie të brendshme.
Nuk ka paqe më të madhe sesa të flesh natën pa pendesa, duke ditur që nuk ke shkelur mbi parimet e tua. Kur nuk ke nevojë të fshehësh asgjë apo të ndihesh i rënduar nga zgjedhjet e tua, je vërtet i lirë.
Por ndoshta pikërisht kjo sfidë është ajo që e bën të qenit njeri kaq domethënës.
Kjo sfidë ndihet më e vështirë, kur sheh ose përjeton padrejtësi dhe duhet të vendosësh nëse do të reagosh apo do të heshtësh. Të qëndrosh i drejtë kur bota rreth teje nuk është e tillë është e vështirë.
Kur njerëzit që i ke besuar të lëndojnë, është e lehtë të bëhesh cinik ose të kthesh të njëjtën energji pas. Por të mbetesh i ndershëm dhe i hapur është sfida e vërtetë.
Kur arrin diçka të madhe, mund të joshesh të harrosh rrënjët, vlerat dhe njerëzit që të ndihmuan. Të mbetesh i thjeshtë dhe i ndershëm është një test i madh.
Kur jeta të shtyn në cep dhe duket sikur nuk ka zgjidhje të ndershme, është e lehtë të devijosh. Por të ruash integritetin edhe në kohë të vështira është ajo që të bën vërtet të fortë.
Në një botë ku imazhi dhe paraqitja shpesh vlejnë më shumë se përmbajtja, të qëndrosh autentik dhe i sinqertë mund të jetë një sfidë e përditshme.
Por ndoshta, pikërisht këto momente e bëjnë të qenit njeri kaq të vlefshëm.
Si të Mbetesh Njeri në një Botë të Vështirë?
· Mos e humb integritetin për përfitime afatshkurtra.
· Qëndro pranë njerëzve që ndajnë të njëjtat vlera me ty.
· Mbro të vërtetën, edhe kur është e vështirë.
· Mos u bë pjesë e servilizmit, edhe nëse duket si rruga më e lehtë.
Nëse ndjek moralin dhe ndërgjegjen tënde, mund të mbetesh njeri, edhe kur të gjithë të tjerët zgjedhin rrugë të tjera. Edhe pse është më e vështirë, është një fitore më e madhe dhe më e qëndrueshme sesa çdo sukses i bazuar në hipokrizi dhe servilizëm.
Është e thjeshtë në këtë jetë të bëhesh ‘pis’.
E dua jetën me sfida, por me fytyrë të pastër, një jetë e lehtë ka peshën e një ndërgjegjeje të rënduar.(shpatullat janë të pafuqishme për pesha të rënda)...
Pasuria, suksesi dhe opinioni i të tjerëve janë kalimtare, ajo që mbetet është ndjesia jote për veten.
Të mbetesh njeri, me ndershmëri, dhembshuri dhe integritet është sfidë, sidomos në një botë ku shpesh vlerësohen forca, suksesi dhe interesi personal mbi virtytet humane.
Comentarios